29. Кога неговите ученици слушнаа, дојдоа и го положија во гроб.
30. И се собраа апостолите кај Исус, па Го известија за сѐ што направиле и поучувале.
31. А Тој им рече: „Дојдете и вие во осамено место и одморете се малку.“ Зашто мнозина доаѓаа и си одеа, така што немаа кога ни да јадат.
32. И отидоа со кораб сами во осамено место.
33. И ги виде народот кога си одеа; и Го познаа мнозина, па пеш од сите градови тргнаа таму; и ги испреварија и се собраа околу Него.