19. и Јуда Искариотски, кој и Го предаде.
20. И дојдоа в куќи; и пак се собра народ, така што тие не можеа ниту леб да јадат.
21. И кога чуја Неговите, отидоа да Го приберат, зашто се говореше дека не бил на Себеси.
22. А книжниците, што беа слегнале од Ерусалим, велеа дека во Него е Велзевул и дека демоните ги истерува со силата на заповедникот на демоните.
23. И кога ги повика, им говореше во параболи: „Како може сатаната да изгонува сатана?
24. Ако едно царство се раздели самото против себе, тоа царство не може да се одржи;
25. и, ако еден дом се раздели самиот против себе, тој дом не може да опстане;