38. И фарисејот се зачуди кога виде дека Тој не си ги изми рацете пред јадење.
39. Но Господ му рече: „Ете, вие фарисеите ја миете чашата и чинијата однадвор, а внатрешноста ви е полна со грабеж и лукавство.
40. Безумници! Оној што го направи надворешното, нели е истиот тој што го направи и внатрешното?
41. Но, давајте милостина од она што е внатре, тогаш сѐ ќе ви биде чисто.
42. Но тешко вам, фарисеи, зашто давате десеток од нане и рута, и од секаков зеленчук, а ги занемарувате правдата и љубовта Божја; ова требаше да го правите, но и она да не го пропуштите.
43. Тешко вам, фарисеи! Зашто сакате да сте на првите места во синагогите и да ве поздравуваат по плоштадите!