21. Тогаш Марта Му рече на Исус: „Господи, ако беше Ти овде, брат ми немаше да умре.
22. Но и сега знам што и да посакаш од Бога, Бог ќе ти даде.“
23. Исус ѝ рече: „Твојот брат ќе воскресне!“
24. Марта Му рече: „Знам дека ќе воскресне при воскресението, во последниот ден.“
25. А Исус ѝ рече: „Јас сум воскресението и животот; кој верува во Мене, и да умре, ќе живее.
26. И секој што живее и верува во Мене, нема да умре довека. Го веруваш ли тоа?“