7. Возљубени, не ви пишувам нова заповед, туку старата заповед, што ја имавте од почетокот. Старата заповед е словото, што го чувте од почетокот.
8. А сепак, нова заповед ви пишувам – нешто што е вистина и во Него и во вас; зашто темнината одминува, а вистинската светлина веќе свети.
9. Кој вели дека е во светлина, а го мрази братот свој, тој е сѐ уште во темнина.
10. Кој го сака својот брат, тој е во светлина и во него нема соблазна.
11. А кој го мрази братот свој, тој се наоѓа во темнина, и во темнина оди, и не знае ни каде оди, бидејќи темнината му ги ослепила очите негови.
12. Ви пишувам, чеда, дека заради Неговото име ви се простени гревовите.