8. Уште еднаш Ѓаволот Го искачи на највисоката планина и Му ги покажа сите царства на Земјата со сета нивна слава;
9. и Му рече: „Сето ова ќе Ти го дадам Тебе, ако паднеш ничкум и ми се поклониш!“
10. Но Исус му одговори: „Бегај оттука, Сатано! Светото писмо вели: ,Поклонувај Му се само на Господ, твојот Бог, и само Нему служи Му!‘“
11. Тогаш Ѓаволот Го остави, а кај Исус дојдоа ангели и Му служеа.
12. Кога Исус разбра дека го уапсиле Јован Крстител, се повлече од Јудеја во Галилеја.