34. А кога наближи времето на плодовите, ги испрати своите слуги при земјоделците, за да ги приберат неговите плодови.
35. И земјоделците ги фатија неговите слуги: едниот го биеја, другиот го убија, а другиот го каменуваа.
36. Пак испрати други слуги, повеќе од првите, но и со нив направија исто.
37. Најпосле го испрати при нив својот син, велејќи: „Ќе се засрамат од мојот син!”
38. Но земјоделците, кога го видоа синот, си рекоа меѓу себе: „Овој е наследникот! Ајде да го убиеме и да го присвоиме неговото наследство!”
39. И го фатија, го исфрлија надвор од лозјето и го убија.
40. Кога ќе дојде господарот на лозјето, што ќе им направи на тие земјоделци?”
41. Му одговорија: „Овие злосторници тој бедно ќе ги уништи, а лозјето ќе им го даде под наем на други земјоделци, кои ќе му ги даваат плодовите во нивно време.”