1. Исус отиде на Маслиновата Гора.
2. А рано наутро пак дојде во Храмот; и сиот народ доаѓаше при Него. Тој седна и ги поучуваше.
3. Тогаш книжниците и фарисеите доведоа една жена, фатена во прељуба, откако ја поставија насредина,
4. Му рекоа: „Учителе, женава е фатена во самото дело на прељуба.
5. А Мојсеј ни нареди во Законот да ги убиваме со камења таквите; а Ти што велиш?”
6. Тоа го рекоа за да Го искушаат, за да имаат за што да Го обвинат. А Исус се наведна и пишуваше со прстот по земјата.
7. Но бидејќи и натаму Го прашуваа, се исправи и им рече: „Кој е од вас безгрешен, нека прв фрли камен врз неа!”
8. И пак се наведна и пишуваше по земјата.