1. Et accesserunt ad eum pharisæi et sadducæi tentantes : et rogaverunt eum ut signum de cælo ostenderet eis.
2. At ille respondens, ait illis : Facto vespere dicitis : Serenum erit, rubicundum est enim cælum.
3. Et mane : Hodie tempestas, rutilat enim triste cælum.
4. Faciem ergo cæli dijudicare nostis : signa autem temporum non potestis scire ? Generatio mala et adultera signum quærit : et signum non dabitur ei, nisi signum Jonæ prophetæ. Et relictis illis, abiit.
5. Et cum venissent discipuli ejus trans fretum, obliti sunt panes accipere.