11. Ipse autem dixit illis : Quis erit ex vobis homo, qui habeat ovem unam, et si ceciderit hæc sabbatis in foveam, nonne tenebit et levabit eam ?
12. Quanto magis melior est homo ove ? itaque licet sabbatis benefacere.
13. Tunc ait homini : Extende manum tuam. Et extendit, et restituta est sanitati sicut altera.
14. Exeuntes autem pharisæi, consilium faciebant adversus eum, quomodo perderent eum.
15. Jesus autem sciens recessit inde : et secuti sunt eum multi, et curavit eos omnes :
16. et præcepit eis ne manifestum eum facerent.