35. Dixit ergo eis Jesus : Adhuc modicum, lumen in vobis est. Ambulate dum lucem habetis, ut non vos tenebræ comprehendant ; et qui ambulat in tenebris, nescit quo vadat.
36. Dum lucem habetis, credite in lucem, ut filii lucis sitis. Hæc locutus est Jesus, et abiit et abscondit se ab eis.
37. Cum autem tanta signa fecisset coram eis, non credebant in eum ;
38. ut sermo Isaiæ prophetæ impleretur, quem dixit : Domine, quis credidit auditui nostro ?et brachium Domini cui revelatum est ?