1. Psalmus ipsi David. Noli æmulari in malignantibus,neque zelaveris facientes iniquitatem :
2. quoniam tamquam fœnum velociter arescent,et quemadmodum olera herbarum cito decident.
3. Spera in Domino, et fac bonitatem ;et inhabita terram, et pasceris in divitiis ejus.
4. Delectare in Domino,et dabit tibi petitiones cordis tui.
5. Revela Domino viam tuam,et spera in eo, et ipse faciet.