4. Quasi aspectus equorum, aspectus eorum ;et quasi equites, sic current.
5. Sicut sonitus quadrigarum super capita montium exilient,sicut sonitus flammæ ignis devorantis stipulam,velut populus fortis præparatus ad prælium.
6. A facie ejus cruciabuntur populi ;omnes vultus redigentur in ollam.
7. Sicut fortes current ;quasi viri bellatores ascendent murum :viri in viis suis gradientur,et non declinabunt a semitis suis.
8. Unusquisque fratrem suum non coarctabit,singuli in calle suo ambulabunt ;sed et per fenestras cadent, et non demolientur.
9. Urbem ingredientur, in muro current,domos conscendent, per fenestras intrabunt quasi fur.