32. Non propter vos ego faciam, ait Dominus Deus, notum sit vobis :confundimini, et erubescite super viis vestris, domus Israël.
33. Hæc dicit Dominus Deus :In die qua mundavero vos ex omnibus iniquitatibus vestris,et inhabitari fecero urbes,et instauravero ruinosa,
34. et terra deserta fuerit exculta,quæ quondam erat desolata in oculis omnis viatoris,
35. dicent : Terra illa inculta facta est ut hortus voluptatis :et civitates desertæ, et destitutæ atque suffossæ, munitæ sederunt.