37. Septem diebus expiabis altare, et sanctificabis, et erit Sanctum sanctorum : omnis, qui tetigerit illud, sanctificabitur.
38. Hoc est quod facies in altari : agnos anniculos duos per singulos dies jugiter,
39. unum agnum mane, et alterum vespere,
40. decimam partem similæ conspersæ oleo tuso, quod habeat mensuram quartam partem hin, et vinum ad libandum ejusdem mensuræ in agno uno.