3. Quid communicabit cacabus ad ollam ?quando enim se colliserint, confringetur.
4. Dives injuste egit, et fremet :pauper autem læsus tacebit.
5. Si largitus fueris, assumet te :et si non habueris, derelinquet te.
6. Si habes, convivet tecum, et evacuabit te :et ipse non dolebit super te.
7. Si necessarius illi fueris, supplantabit te,et subridens spem dabit, narrans tibi bona,et dicet : Quid opus est tibi ?
8. Et confundet te in cibis suis,donec te exinaniat bis et ter :et in novissimo deridebit te,et postea videns derelinquet te,et caput suum movebit ad te.