14. Omnis enim lex in uno sermone impletur : Diliges proximum tuum sicut teipsum.
15. Quod si invicem mordetis, et comeditis : videte ne ab invicem consumamini.
16. Dico autem : Spiritu ambulate, et desideria carnis non perficietis.
17. Caro enim concupiscit adversus spiritum, spiritus autem adversus carnem : hæc enim sibi invicem adversantur, ut non quæcumque vultis, illa faciatis.