14. promisitque se consensurum omnibus quæ justa sunt, et regem compulsurum amicum fieri.
15. Annuit autem Machabæus precibus Lysiæ, in omnibus utilitati consulens : et quæcumque Machabæus scripsit Lysiæ de Judæis, ea rex concessit.
16. Nam erant scriptæ Judæis epistolæ a Lysia quidem hunc modum continentes : Lysias populo Judæorum salutem.
17. Joannes et Abesalom, qui missi fuerant a vobis, tradentes scripta, postulabant ut ea quæ per illos significabantur, implerem.
18. Quæcumque igitur regi potuerunt perferri, exposui : et quæ res permittebat, concessit.