8. Et de Bete et de Beroth, civitatibus Adarezer, tulit rex David æs multum nimis.
9. Audivit autem Thou rex Emath quod percussisset David omne robur Adarezer,
10. et misit Thou Joram filium suum ad regem David, ut salutaret eum congratulans, et gratias ageret : eo quod expugnasset Adarezer, et percussisset eum. Hostis quippe erat Thou Adarezer, et in manu ejus erant vasa aurea, et vasa argentea, et vasa ærea :
11. quæ et ipsa sanctificavit rex David Domino cum argento et auro quæ sanctificaverat de universis gentibus quas subegerat,