22. Mortuus est autem Eleazar, et non habuit filios, sed filias : acceperuntque eas filii Cis fratres earum.
23. Filii Musi : Moholi, et Eder, et Jerimoth, tres.
24. Hi filii Levi in cognationibus et familiis suis, principes per vices, et numerum capitum singulorum qui faciebant opera ministerii domus Domini, a viginti annis et supra.
25. Dixit enim David : Requiem dedit Dominus Deus Israël populo suo, et habitationem Jerusalem usque in æternum.
26. Nec erit officii Levitarum ut ultra portent tabernaculum et omnia vasa ejus ad ministrandum.