42. គេមិនបាននឹកចាំពីព្រះហស្តទ្រង់ឬពីថ្ងៃដែលទ្រង់បានដោះគេចេញពីខ្មាំងសត្រូវ
43. ឬពីបែបយ៉ាងណាដែលទ្រង់បានសំដែងទីសំគាល់របស់ទ្រង់នៅស្រុកអេស៊ីព្ទនិងការអស្ចារ្យ នៅទីវាលសូអានឡើយ
44. ទ្រង់បានធ្វើឲ្យទន្លេ និងព្រែករបស់សាសន៍អេស៊ីព្ទត្រឡប់ទៅជាឈាមឲ្យគេផឹកទឹកនោះមិនបាន
45. ទ្រង់បានចាត់ហ្វូងរុយមកបង្ហិននៅកណ្តាលគេនិងកង្កែបមកបំផ្លាញគេផង
46. ទ្រង់បានប្រគល់ផលរបស់គេ ឲ្យចង្រិតកាត់ហើយការរបស់គេដល់កណ្តូប
47. ទ្រង់បានបំផ្លាញដើមទំពាំងបាយជូរគេដោយព្រិលហើយដើមឧទុម្ពរដោយសន្សើមកក
48. ទ្រង់ក៏ប្រគល់ហ្វូងគោគេឲ្យត្រូវព្រិលហើយហ្វូងចៀមគេឲ្យត្រូវរន្ទះបាញ់ដែរ
49. ទ្រង់បានបោះសេចក្ដីខ្ញាល់ដ៏សហ័សទៅលើគេព្រមទាំងសេចក្ដីក្រោធ សេចក្ដីគ្នាន់ក្នាញ់និងសេចក្ដីវេទនាផងគឺជាសេចក្ដីអាក្រក់ទាំងហ្វូង ដែលទ្រង់ចាត់មក
50. ទ្រង់បានពង្រាបផ្លូវ សំរាប់សេចក្ដីខ្ញាល់របស់ទ្រង់ទ្រង់មិនបានប្រណីព្រលឹងគេឲ្យរួចពីស្លាប់ទេគឺបានប្រគល់ជីវិតគេដល់ជំងឺអាសន្នរោគ