12. ៙ ប៉ុន្តែព្រះទ្រង់ជាមហាក្សត្រនៃទូលបង្គំតាំងតែពីបុរាណមកទ្រង់ក៏ប្រោសប្រទានសេចក្ដីសង្គ្រោះនៅកណ្តាលផែនដី
13. ទ្រង់បានញែកទឹកសមុទ្រដោយឫទ្ធិរបស់ទ្រង់ក៏បានបំបែកក្បាលអស់ទាំងសត្វសំបើមនៅក្នុងទឹក
14. ទ្រង់បានកិនកំទេចក្បាលរបស់ក្រពើព្រមទាំងប្រទានសាច់វាទុកជាអាហារដល់ពួកមនុស្សដែលនៅទីរហោស្ថាន
15. ទ្រង់បានវាយបំប្រេះថ្ម ឲ្យមានក្បាលទឹកនិងទឹកជ្រោះចេញមកក៏ធ្វើឲ្យទន្លេដែលហូរជានិច្ច បានរីងស្ងួតទៅផង
16. ពេលថ្ងៃជារបស់ផងទ្រង់ ហើយពេលយប់ក៏ដែរទ្រង់បានបង្កើតពន្លឺ និងដួងព្រះអាទិត្យ
17. ទ្រង់បានតាំងព្រំខណ្ឌទាំងប៉ុន្មាននៃផែនដីហើយកំណត់ឲ្យមានរដូវក្តៅ និងរដូវត្រជាក់។