17. តែសេចក្ដីសប្បុរសនៃព្រះយេហូវ៉ាស្ថិតស្ថេរនៅតាំងពីអស់កល្បដរាបដល់អស់កល្បជានិច្ចចំពោះអស់អ្នកដែលកោតខ្លាចដល់ទ្រង់សេចក្ដីសុចរិតរបស់ទ្រង់ ក៏នៅរហូតដល់កូនចៅគេតទៅ
18. គឺដល់អស់អ្នកដែលកាន់តាមសេចក្ដីសញ្ញាទ្រង់និងពួកអ្នកដែលនឹកចាំពីអស់ទាំងសេចក្ដីបញ្ញត្តទ្រង់ដើម្បីនឹងប្រព្រឹត្តតាម
19. ព្រះយេហូវ៉ាទ្រង់បានតាំងបល្ល័ង្កទ្រង់នៅលើស្ថានសួគ៌ហើយរាជ្យទ្រង់ក៏គ្រប់គ្រងលើទាំងអស់
20. ចូរសរសើរដល់ព្រះយេហូវ៉ា អស់ពួកទេវតារបស់ទ្រង់អើយ ជាអ្នកដែលមានឥទ្ធិឫទ្ធិខ្លាំងហើយក៏ប្រតិបត្តិតាមបង្គាប់ទ្រង់ដោយស្តាប់តាមព្រះសូរសៀងនៃព្រះបន្ទូលទ្រង់