14. កូនចៅរបស់ពួកដែលបានសង្កត់សង្កិនអ្នកនឹងនាំគ្នាមកអោនកាយនៅចំពោះមុខអ្នកពួកដែលបានជេរប្រមាថអ្នកនឹងនាំគ្នាមកក្រាបនៅទៀបជើងអ្នកគេនឹងហៅអ្នកថា “ក្រុងរបស់ព្រះអម្ចាស់”“ក្រុងស៊ីយ៉ូនរបស់ព្រះដ៏វិសុទ្ធនៃជនជាតិអ៊ីស្រាអែល”។
15. ពីមុន គេបានបោះបង់ចោលអ្នក គេស្អប់អ្នកហើយគ្មាននរណាដើរកាត់តែយើងនឹងធ្វើឲ្យអ្នកប្រែទៅជាក្រុងមួយដ៏ថ្លៃថ្នូរជាក្រុងដ៏សប្បាយរហូតអស់កល្បជាអង្វែងតរៀងទៅ។
16. ប្រជាជាតិ និងស្ដេចទាំងឡាយនឹងធ្វើជាមេដោះរបស់អ្នក។អ្នកនឹងទទួលស្គាល់ថាព្រះសង្គ្រោះរបស់អ្នក គឺព្រះអម្ចាស់ព្រះដែលលោះអ្នក គឺព្រះរបស់យ៉ាកុបជាព្រះប្រកបដោយឫទ្ធិបារមី។