8. ក្រុងដែលធ្លាប់តែសម្បូណ៌សប្បាយគិតតែពីអួតក្អេងក្អាងអើយអ្នកតែងគិតថា“គ្មាននរណាផ្ទឹមស្មើនឹងអញទេអញនឹងមិនធ្លាក់ខ្លួនជាស្រីមេម៉ាយអញនឹងមិនបាត់បង់កូនចៅជាដាច់ខាត!”។ក៏ប៉ុន្តែ ឥឡូវនេះ ចូរស្ដាប់!
9. ទុក្ខវេទនាទាំងពីរនេះនឹងកើតមានដល់អ្នកយ៉ាងទាន់ហន់គឺក្នុងថ្ងៃតែមួយ អ្នកនឹងបាត់បង់កូនចៅហើយធ្លាក់ខ្លួនជាស្រីមេម៉ាយ។ទុក្ខវេទនានេះនឹងកើតមានដល់អ្នកគេចមិនផុតឡើយទោះបីអ្នកមានមន្តអាគម ឬមានគាថាការពារខ្លួនច្រើនយ៉ាងណាក៏ដោយ។
10. អ្នកពឹងផ្អែកលើពុតត្បុតអាក្រក់របស់ខ្លួនហើយអ្នកតែងតែពោលថា“គ្មាននរណាមើលអញឃើញទេ!”ក៏ប៉ុន្តែ តម្រិះប្រាជ្ញារបស់អ្នកបានធ្វើឲ្យអ្នកបែរទៅជាវង្វេងអ្នកគិតថា “គ្មាននរណាផ្ទឹមស្មើនឹងអញទេ!”។