13. ព្រះអម្ចាស់មានព្រះបន្ទូលថា:ប្រជារាស្ត្រនេះចូលមកជិតយើងហើយលើកតម្កើងយើងត្រឹមតែពាក្យសម្ដីនិងបបូរមាត់ប៉ុណ្ណោះតែចិត្តរបស់គេនៅឆ្ងាយពីយើងណាស់រីឯការដែលពួកគេគោរពកោតខ្លាចយើងគ្រាន់តែជាទំនៀមទម្លាប់ដែលគេរៀនពីមនុស្សប៉ុណ្ណោះ។
14. ហេតុនេះហើយបានជាយើងធ្វើឲ្យប្រជារាស្ត្រនេះរឹតតែងឿងឆ្ងល់តទៅទៀតដោយប្រើការអស្ចារ្យនិងឫទ្ធិបាដិហារិយ៍ផ្សេងៗយើងនឹងរំលាយប្រាជ្ញារបស់ពួកអ្នកប្រាជ្ញហើយធ្វើឲ្យតម្រិះរបស់ពួកអ្នកចេះដឹងប្រែជាឥតបានការទៅវិញ។
15. អស់អ្នកដែលគេចខ្លួនពីព្រះអម្ចាស់ដើម្បីលាក់គម្រោងការរបស់ខ្លួនមុខជាត្រូវវេទនាពុំខាន។អ្នកទាំងនោះប្រព្រឹត្តអំពើផ្សេងៗនៅក្នុងទីលាក់កំបាំង ទាំងពោលថា«គ្មាននរណាឃើញយើងគ្មាននរណាដឹងថាយើងកំពុងតែធ្វើអ្វីទេ!»។
16. អ្នករាល់គ្នាគិតដូច្នេះខុសទាំងស្រុង!តើគេអាចចាត់ទុកដីឥដ្ឋស្មើនឹងជាងស្មូនកើតឬ?ក្អមមិនអាចនិយាយអំពីជាងស្មូនថា«អ្នកនោះមិនបានសូនខ្ញុំមកទេ»ថូក៏មិនអាចនិយាយអំពីជាងស្មូនថា«គាត់គ្មានប្រាជ្ញា» ដែរ។
17. បន្តិចទៀត ព្រៃព្រឹក្សាលើភ្នំលីបង់នឹងក្លាយទៅជាចម្ការដំណាំហើយចម្ការដំណាំក្លាយទៅជាព្រៃវិញ។