15. អ្នករាល់គ្នាអះអាងថាអ្នករាល់គ្នាចុះសន្ធិសញ្ញាជាមួយមច្ចុរាជព្រមទាំងចុះកិច្ចព្រមព្រៀងជាមួយស្ថានមនុស្សស្លាប់។កាលណាមានគ្រោះកាចមកដល់អ្នករាល់គ្នានឹងមិនត្រូវអន្តរាយឡើយព្រោះអ្នករាល់គ្នាយកការកុហកធ្វើជាទីពឹងនិងយកការភូតភរជាជម្រក។
16. ហេតុនេះ ព្រះជាអម្ចាស់មានព្រះបន្ទូលថា៖យើងនឹងយកថ្មមួយដុំមកដាក់ធ្វើជាគ្រឹះនៅក្រុងស៊ីយ៉ូន ដើម្បីល្បងមើលអ្នករាល់គ្នា។ថ្មនោះជាថ្មដ៏សំខាន់ និងមានតម្លៃហើយជាគ្រឹះដ៏មាំ។អ្នកណាពឹងផ្អែកលើថ្មនេះអ្នកនោះមុខជាបានរឹងប៉ឹងមិនខាន។
17. យើងនឹងយកយុត្តិធម៌ធ្វើជារង្វាស់ហើយយកសេចក្ដីសុចរិតធ្វើជាខ្នាត។ខ្យល់ព្យុះនឹងបក់រំលើងការកុហកដែលជាទីពឹងរបស់អ្នករាល់គ្នាហើយទឹកក៏នឹងជន់ឡើង កួចយកការភូតភរដែលជាជម្រករបស់អ្នករាល់គ្នាទៅដែរ។