6. ព្រះអម្ចាស់មានព្រះបន្ទូលមកកាន់លោកយ៉ូបពីក្នុងខ្យល់ព្យុះដូចតទៅ៖
7. «ចូររៀបចំខ្លួនឲ្យបានដូចមនុស្សអង់អាចយើងនឹងសួរអ្នកហើយអ្នកត្រូវតែឆ្លើយឲ្យយើងដឹងផង!
8. តើអ្នកពិតជាចង់ចោទថា យើងមិនយុត្តិធម៌ហើយអ្នកចង់ថ្កោលទោសយើងដើម្បីបង្ហាញថាអ្នកជាមនុស្សសុចរិតឬ?
9. តើអ្នកមានឫទ្ធិបារមីដូចព្រះជាម្ចាស់ហើយមានសំឡេងដូចផ្គរលាន់ដែលជាព្រះសូរសៀងរបស់ព្រះអង្គឬ?
10. តើអ្នកមានភាពថ្កុំថ្កើង និងភាពឧត្តុង្គឧត្ដមហើយពោរពេញទៅពន្លឺរស្មីដ៏រុងរឿងដូចព្រះជាម្ចាស់ឬ?
11. ចូរក្រឡេកមើលមនុស្សមានអំនួតហើយជះកំហឹងដ៏ខ្លាំងក្លារបស់អ្នកលើពួកគេនិងបន្ទាបពួកគេទាំងអស់គ្នាទៅ។