13. គ្មាននរណារកយុត្តិធម៌ឲ្យអ្នកនិងរុំរបួសឲ្យអ្នកទេហើយក៏គ្មានថ្នាំដ៏ស័ក្ដិសិទ្ធិណាអាចផ្សះរបួសរបស់អ្នកដែរ។
14. គូស្នេហ៍ទាំងប៉ុន្មានរបស់អ្នកភ្លេចអ្នកហើយគ្មាននរណានឹកនាដល់អ្នកទៀតទេដ្បិតយើងបានវាយអ្នកដូចខ្មាំងវាយអ្នកយើងបានដាក់ទោសអ្នកយ៉ាងធ្ងន់ព្រោះតែអំពើអាក្រក់ដ៏ច្រើនឥតគណនានិងអំពើបាបដ៏ធ្ងន់ដែលអ្នកបានប្រព្រឹត្ត។
15. ហេតុដូចម្ដេចបានជាអ្នកស្រែកថ្ងូរព្រោះមហន្តរាយកើតដល់អ្នកធ្វើឲ្យអ្នកឈឺចាប់ឥតល្ហែ?យើងធ្វើទោសអ្នកខ្លាំងដូច្នេះព្រោះតែអំពើអាក្រក់ដ៏ច្រើនឥតគណនានិងអំពើបាបដ៏ធ្ងន់ដែលអ្នកបានប្រព្រឹត្ត។
16. ហេតុនេះ អស់អ្នកដែលលេបត្របាក់អ្នកមុខជាត្រូវគេលេបត្របាក់វិញបច្ចាមិត្តរបស់អ្នកនឹងជាប់ជាឈ្លើយទាំងអស់គ្នា។អស់អ្នកដែលកម្ទេចអ្នក នឹងត្រូវគេកម្ទេចវិញយើងនឹងធ្វើឲ្យពួកដែលប្លន់អ្នកត្រូវគេប្លន់វិញដែរ។
17. យើងនឹងលើកអ្នកឡើងវិញយើងនឹងប្រោសឲ្យមុខរបួសអ្នកបានជាសះស្បើយ- នេះជាព្រះបន្ទូលរបស់ព្រះអម្ចាស់ -។ពួកគេហៅអ្នកថា“ក្រុងដែលគេបោះបង់ចោល”គឺក្រុងស៊ីយ៉ូនដែលគ្មាននរណារាប់រក»។