10. ចូរទៅកោះគីទីមដែលនៅដាច់ស្រយាលហើយសង្កេតមើលចុះចូរចាត់មនុស្សឲ្យទៅស្រុកកេដារហើយស៊ើបសួរឲ្យបានហ្មត់ចត់ថាតើនៅតំបន់ទាំងនោះគេប្រព្រឹត្តដូចអ្នករាល់គ្នាឬទេ?
11. តើមានប្រជាជាតិណាមួយផ្លាស់ប្ដូរព្រះរបស់ខ្លួនឬទេ? (តាមពិត ព្រះទាំងនោះពុំមែនជាព្រះពិតប្រាកដទេ)។រីឯប្រជាជនរបស់យើងវិញ គេបានផ្លាស់ប្ដូរព្រះដែលផ្ដល់ឲ្យគេមានសិរីរុងរឿងហើយបែរជានាំគ្នាគោរពព្រះដែលឥតបានការទៅវិញ។
12. ផ្ទៃមេឃអើយ! ចូរតក់ស្លុតចូរញាប់ញ័រ ហើយស្រឡាំងកាំងទៅ!-នេះជាព្រះបន្ទូលរបស់ព្រះអម្ចាស់។
13. ប្រជាជនរបស់យើងប្រព្រឹត្តអាក្រក់ពីរយ៉ាងគឺគេបោះបង់យើងដែលជាប្រភពទឹកកំពុងហូរបែរទៅជីកអណ្ដូង ជីកស្រះដែលតែងតែប្រេះមិនអាចទុកទឹកបាននោះទៅវិញ។