46. ព្រះអង្គធ្វើឲ្យមានចង្រិតទៅស៊ីបង្ហិនភោគផលរបស់ពួកគេហើយឲ្យកណ្ដូបទៅស៊ីបង្ហិនដំណាំរបស់គេ។
47. ព្រះអង្គបានធ្វើឲ្យមានព្រិលធ្លាក់មកកម្ទេចចម្ការទំពាំងបាយជូររបស់គេហើយមានធាតុអាកាសត្រជាក់មកបំផ្លាញដើមឈើរបស់គេខូចអស់។
48. ហ្វូងគោរបស់គេត្រូវវិនាសដោយសារព្រិលហ្វូងចៀមរបស់គេត្រូវវិនាសដោយសាររន្ទះបាញ់។
49. ព្រះជាម្ចាស់ទ្រង់ព្រះពិរោធទាស់នឹងជនជាតិអេស៊ីបយ៉ាងខ្លាំងព្រះអង្គដាក់ទោសពួកគេឲ្យរងទុក្ខលំបាកយ៉ាងសែនវេទនាដោយចាត់ពួកទេវតាឲ្យមកប្រហារពួកគេ។
50. ព្រះអង្គធ្វើតាមព្រះពិរោធរបស់ព្រះអង្គដោយឥតសំចៃជីវិតជនជាតិនោះឡើយព្រះអង្គបានធ្វើឲ្យគ្រោះកាចកើតមានដល់ពួកគេ
51. គឺព្រះអង្គប្រហារជីវិតកូនច្បងទាំងប៉ុន្មានរបស់ជនជាតិអេស៊ីប កូនដែលកើតមកមុនគេក្នុងពូជពង្សរបស់លោកហាំ។