29. ពួកគេបានប្រព្រឹត្តអំពើដែលធ្វើឲ្យព្រះអម្ចាស់ទ្រង់ព្រះពិរោធបណ្ដាលឲ្យកើតមានគ្រោះកាចក្នុងចំណោមពួកគេ។
30. ពេលនេះ លោកភីនេហាសបានក្រោកឡើងដាក់ទោសពួកគេហើយគ្រោះកាចនោះក៏ស្ងប់ទៅវិញ។
31. ព្រោះតែការនេះ ព្រះអម្ចាស់បានប្រោសលោកឲ្យបានសុចរិតអស់កល្បជាអង្វែងតរៀងទៅ។
32. នៅប្រភពទឹកមេរីបា ពួកគេបាននាំគ្នាធ្វើឲ្យព្រះអម្ចាស់ទ្រង់ព្រះពិរោធហើយលោកម៉ូសេទទួលទោស ព្រោះតែពួកគេ
33. គឺពួកគេធ្វើឲ្យលោកឆ្អែតចិត្តហើយមានប្រសាសន៍ចេញមកដោយពុំបានគិត។
34. ពួកគេពុំបានប្រហារប្រជាជាតិនានាតាមព្រះបញ្ជារបស់ព្រះអម្ចាស់ទេ។
35. ពួកគេបែរជាទៅពាក់ព័ន្ធជាមួយប្រជាជាតិទាំងនោះហើយនាំគ្នាប្រព្រឹត្តតាមសាសន៍ទាំងនោះ
36. គឺថ្វាយបង្គំព្រះក្លែងក្លាយរបស់សាសន៍ដទៃដែលជាអន្ទាក់នាំឲ្យពួកគេវិនាស។
37. ពួកគេបានយកកូនប្រុសកូនស្រីទៅធ្វើយញ្ញបូជាឲ្យអារក្ស។
38. ពួកគេប្រហារជីវិតកូនប្រុសកូនស្រីរបស់ខ្លួនដែលគ្មានកំហុសដើម្បីធ្វើយញ្ញបូជាឲ្យព្រះក្លែងក្លាយនៅស្រុកកាណានឃាតកម្មទាំងនោះបណ្ដាលឲ្យទឹកដីរបស់ពួកគេលែងវិសុទ្ធទៀត។
39. អំពើដែលពួកគេប្រព្រឹត្តបានធ្វើឲ្យខ្លួនគេទៅជាសៅហ្មង ពួកគេបានក្បត់ព្រះជាម្ចាស់ដោយសារអំពើរបស់ខ្លួន។