12. ចំពោះកូនចៅបេនយ៉ាមីន លោកថ្លែងថា: ព្រះអម្ចាស់ស្រឡាញ់បេនយ៉ាមីនណាស់គេនៅជាមួយព្រះអង្គយ៉ាងកក់ក្ដៅ ព្រះអម្ចាស់ការពារគេជានិច្ចហើយព្រះអង្គគង់នៅជាមួយគេ។
13. ចំពោះកូនចៅលោកយ៉ូសែបលោកម៉ូសេថ្លែងថា: ព្រះអម្ចាស់នឹងប្រទានពរដល់ស្រុករបស់គេភ្លៀង និងសន្សើមធ្លាក់ចុះពីលើមេឃហើយទឹកក៏ផុសចេញពីក្នុងដីមកស្រោចស្រពទឹកដីរបស់គេយ៉ាងបរិបូណ៌។
14. កម្ដៅថ្ងៃធ្វើឲ្យដំណាំដុះឡើងបង្កើតភោគផលយ៉ាងច្រើនរៀងរាល់ខែ។
15. ស្រុករបស់គេមានភ្នំជុំជិតធ្វើឲ្យដីមានជីជាតិល្អគ្រប់ពេលវេលា។
16. ទឹកដីរបស់គេសម្បូណ៌ទៅដោយភោគទ្រព្យធម្មជាតិ។សូមព្រះអង្គដែលគង់នៅក្នុងគុម្ពោតសន្ដោសដល់កូនចៅយ៉ូសែបដែលជាមេដឹកនាំបងប្អូនរបស់ខ្លួន។
17. កុលសម្ព័ន្ធយ៉ូសែបប្រៀបដូចជាគោបាដែលមានកម្លាំង និងភាពថ្កុំថ្កើងអំណាចរបស់គេខ្លាំងក្លាដូចស្នែងក្របីដែលប្រហារជាតិសាសន៍ទាំងឡាយហើយរុញច្រានជាតិសាសន៍ទាំងនោះរហូតដល់ទីដាច់ស្រយាលនៃផែនដី។ស្នែងម្ខាង គឺអេប្រាអ៊ីមដែលមានគ្នាច្រើនអនេកអនន្តស្នែងម្ខាងទៀត គឺម៉ាណាសេដែលមានគ្នាច្រើនឥតគណនា។
18. ចំពោះកូនចៅសាប់យូឡូន លោកថ្លែងថា:សាប់យូឡូនអើយ ចូរសប្បាយរីករាយនៅពេលអ្នកចេញទៅច្បាំង!រីឯអ៊ីសាខារវិញចូរសប្បាយរីករាយនៅក្នុងជំរំរបស់អ្នក!