1. Kanggo lurah pasindhen. Saka bani Korakh. Lagune: Alamot. Kidungan.
2. Gusti Allah iku dadi papan pangayoman lan karosan kita,nyata banget kang mitulungi sajroning karubedan.
3. Mulane kita ora bakal miris, sanadyan bumi ngantia ngalih panggona,tuwin gunung-gunung padha gonjing ana ing telenging segara;
4. sanadyan gumuruh sarta banyune munthuk,sarta sanadyan gunung padha horeg marga saka molak-maliking alun. (Selah)