27. Ha amaghi na Ọ nāgwa ha okwu bayere Nna-Ya.
28. Ya mere Jisus siri, Mb͕e ọ bula unu gēweliwori Nwa nke madu elu, mb͕e ahu ka unu gāmara na Mu onwem bu Ya, na ọ dighi kwa ihe M'nēme n'Onwem, kama dika Nnam zírim, otú a ka m'nēkwu ihe ndia.
29. Mu na Onye ziterem nọ kwa; Ọ rapughi nání Mu; n'ihi na Mu onwem nēme ihe nātọ Ya utọ mb͕e nile.
30. Mb͕e Ọ nēkwu okwu ndia, ọtutu madu kwere na Ya.
31. Ya mere Jisus nāsi ndi-Ju ndi kwere-Ya-ri, Ọ buru na unu onwe-unu anọgide n'okwum, unu bu ndi nēso uzọm n'ezie;
32. unu gāmara kwa ezi-okwu, ezi-okwu ahu gēme kwa ka unu pua n'orù.