32. Aikove jeývo katu pombyaty jeýta Galiléape.
33. Upépe Pedro he'i chupe:—Opavave nde reja rei ramo jepe, che ndoroheja rei mo'ãi.
34. Ha Jesús he'i chupe:—Añetehápe ha'e ndéve, ko pyharépe voi, gállo osapukái mboyve, nde eréta mbohapy jey nda che kuaaiha.
35. Pedro katu he'i chupe:—Amano vaerã ramo jepe ne ndive, nda'éi chéne ndoroikuaaiha.Ha opavave umi hemimbo'e péicha avei he'i.
36. Upéi Jesús oho hemimbo'e kuéra ndive peteĩ hendápe hérava Getsemaníme. Jesús he'i chupe kuéra:—Pepyta ko'ápe ha peguapy. Che aháta amo gotyo añembo'e.