46. Jesús he'i jey:--Oĩ peteĩ opoko vaekue che rehe. Añandu osẽ hague che hegui pokatu.
47. Upe kuña, ohechámarõ ndaikatu mo'ãiha okañy, ryryipópe oho oñesũ Jesús renondépe. Omombe'u chupe, opavave rovake, mba'érepa opoko ra'e hese, ha mba'éichapa ra'e upepete okuera.
48. Jesús he'i chupe:--Che rajy, che rehe rejerovia haguére rekuera. Tereho katu rejepy'apy'ỹre.
49. Jesús oñe'ẽ jave gueteri hína, oguahẽ peteĩ tembijokuái ha he'i Jáirope:--Nde rajy omanóma. Anivéntema remyangekói Mbo'ehárape.