10. Opa mburuvicha ha tavagua omoporã upe oje'éva ha opoi hembiguái kuéragui.
11. Upéi katu ombyasy jey ha ogueru jey chupe kuéra hembiguairã.
12. Upérõ Ñandejára oñe'ẽ Jeremíaspe ha he'i chupe:
13. “Che, Tupã Israel Jára, ajapo vaekue ñe'ẽ me'ẽ pende ru kuéra ypykue ndive anohẽ ramo guare chupe kuéra Egíptogui oiko haguépe tembiguái ramo. Ha'e vaekue chupe kuéra
14. ohasa rire 7 áño opoi haguã jepi oimeraẽ hebréope oñeme'ẽ vaekue chupe kuéra ha oiko vaekue hembiguái ramo 6 áño pukukue. Pende ru kuéra ypykue katu ndoikuaaséi mba'eve ha nohenduséi vaekue che ñe'ẽ.