51. Daniel he'i chupe kuéra:—Peipe'a umíva ojuehegui, ha añe'ẽta peteĩ-teĩme ha'eño.
52. Oñemoha'eño rire hikuái, Daniel ohenói peteĩme, ha he'i chupe:—Ndé, tuja reko aña, ko'ágã oguahẽ hu'ãme umi ne angaipa, ha ko'ágã oñemyengoviapáta ndéve.
53. Reporombojovake vaekue hekope'ỹ, rejukauka ojapo'ỹvape mba'eve ivaíva ha reheja rei heko añávape. Péicha rejapo Ñandejára he'i ramo jepe: “Ani rejuka ojapo'ỹvape mba'eve ivaíva ha imarangatúvape.”
54. Rehecha rire añetehápe mokõivépe oñondive, ere oréve mba'eichagua yvyra guýpepa oĩ ra'e hikuái.Pe karai he'i:—Peteĩ jukeri guýpe.