11. Upéicha David oiko Judá ruvicha guasúrõ 7 áño ha 6 mes ha itáva guasu vaekue Hebrón.
12. Abner osẽ upérõ Mahanaímgui Gabaónpe, Is-Bóset ñorãirõhára ruvicha guasúrõ.
13. Joab Seruiá memby, ha David ñorãirõhára kuéra katu osẽ Hebróngui ha ojotopa hikuái Abnergua ndive upe ykua guasu ykére oĩva Gabaónpe. Mokõive oñemohenda upépe: peteĩ oñemohenda pe y ryru guasu ykére ha ambue oñemoĩ hovái.
14. Upérõ Abner he'i Joábpe:—Tosẽ oñorãirõvo mitã rusu kuéra ñande rovake.—Tosẽ katu, he'i Joab.
15. Is-Bóset ñorãirõháragui osẽ 12 kuimba'e ha 12 David ñorãirõháragui.