14. ha he'i chupe:—Reka'u jeýma hína! Terehóna ejera raẽ!
15. Ana he'i chupe:—Ndaka'úiko che karai! Nda'úi kaguy térã mba'eve ñane monga'úva. Ajepy'apy etereínte niko ha ahekuavo che mba'e mbyasy Tupã renondépe.
16. Ani reimo'ã kuña vaiha che. Añembo'e puku aína aiko asy eterei ha ndavy'avéigui.
17. Elí he'i chupe:—Tereho katu py'a guapýpe ha Tupã Israel Jára tome'ẽ ndéve pe rejerure vaekue.
18. Ana he'i chupe:—Terehecha kuaa kena chéve péicha opa ára!Upéi ojevy oikohápe ha opa chugui vy'a'ỹ.