5. Agus bhíodh sé de ghnáth de lá agus d'oíche sna tuamaí agus ar na sléibhte, é ag screadach agus á ghreadadh féin le clocha.
6. Nuair a chonaic sé Íosa i bhfad uaidh, rith agus d'umhlaigh dó,
7. agus ag screadach de ghlór ard dúirt: “Cad ab áil leat díom, a Íosa, a Mhic Dé ró-aird? Cuirim ort, as ucht Dé, gan mé a chrá,”
8. óir bhí sé á rá leis: “Gabh amach as an duine, a spioraid mhíghlain.”
9. Agus d'fhiafraigh de: “Cad is ainm duit?” Dúirt sé leis: “Léigiún is ainm dom, óir tá mórán againn ann.”