Lukas 10:2-6 Elizen Arteko Biblia (EAB)

2. Eta esan zien: «Uzta ugaria da, baina langileak gutxi. Erregutu, bada, uzta-jabeari, bidal ditzala langileak bere uztara.

3. «Zoazte! Bildotsak otso artera bezala bidaltzen zaituztet.

4. «Ez eraman poltsarik, ez zakutorik, ez oinetakorik, eta ez gelditu bidean inori agur egiten.

5. Edozein etxetan sartzen zaretela, esazue lehenbizi: “Bakea etxe honetakoei”.

6. Han bakezalerik baldin badago, haren gain kokatuko da zuen bakea; bestela, hutsean geldituko da zuen agurra.

Lukas 10