8. Aldatu zuen Saulek bere itxura beste soineko batzuk jantziz eta bi gizonekin joan zen. Gauez emakumeagana heldu eta esan zion Saulek:—Igar iezadazu etorkizuna, hilei dei eginez. Agerrarazi esango dizudan hildakoa.
9. Emakumeak erantzun zion:—Badakizu zer egin zuen Saulek: desagerrarazi egin zituen igarleak eta nekromanteak. Ni hil nahian al zabiltza?
10. Zin egin zuen Saulek Jainkoarengatik, esanez:—Jauna badela bezain egia da ez zaizula inolako gaitzik etorriko hori egiteagatik.
11. Emakumeak, orduan:—Nor nahi duzu agerraraztea?Saulek erantzun:—Agerrarazi Samuel.