33. Entzuten zegoen jendea haren irakaspenaz txunditurik zegoen.
34. Jesusek saduzearrak hitzik gabe utzi zituela jakitean, fariseuak elkarrekin bildu ziren,
35. eta beraietako lege-gizon batek galdetu zion Jesusi azpikeriaz:
36. —Maisu, zein da legeko agindurik nagusiena?
37. Jesusek erantzun: —Maita ezazu Jauna, zeure Jainkoa, bihotz-bihotzez, gogo osoz eta adimen guztiz.
38. Hori da agindurik nagusiena eta lehena.