12. Jeremiasek irten egin nahi izan zuen Jerusalemdik Benjaminen herrialdera joateko, beretarrekin herentzi arazo bat garbitzera.
13. Baina Benjaminen atera iritsi zenean, han zegoen Ierias guardiaburua, Xelemiasen seme eta Hananiasen biloba, eta Jeremias profetari alto eman eta esan zion:—Babiloniarrengana igarotzeko asmotan zabiltza zu.
14. Jeremiasek erantzun:—Ez da egia! Nik ez dut horrelako asmorik!Baina ez zion sinetsi eta, preso harturik, funtzionarioengana eraman zuen Jeremias.