38. Dös Ander von n Ähäb allss, dös von dönn Elfnbainschloß, wo yr syr baut hiet, und wölcherne Stötn däß yr ausbaut haat, ist in de Jaarbüecher von de Künig von Isryheel aufzaichnet.
39. Wie dyr Ähäb gstorbn war, kaam sein Sun Ähysies für iem als Künig hin.
40. Eyn n viertn Jaar von n Künig Ähäb von Isryheel war dyr Josyfätt Äsennsun Künig von Judau wordn.
41. Er war fümfydreissg Jaar alt, wie yr Künig wurd, und greichnet fümfyzwainzg Jaar z Ruslham. Sein Mueter hieß Äsubä und war ayn Tochter von n Schilhi.