8. Iewet aynmaal haetnd de Baeum gmaint, sö wolletnd syr aynn Künig salbn. Daa giengend s zo n Ölbaaum und grödnd n an: 'Dös wär doch für +di was!'
9. Dyr Ölbaaum aber gmaint: 'Ja, mueß i naacherd mein Öl laassn, mit dönn wo myn Menschn und Götter eert? Soll i unter de andern Baeum önn Käsperl machen?'
10. Daa giengend de Baeum zo n Feignbaaum: 'Aber +du känntst anpacken!'
11. Dyr Feignbaaum gaab ien an: 'I werd meine süessn, gschmäckignen Frücht aufgöbn, blooß däß i bei önn Hanswurstn machen derf?!'
12. Ietz gversuechend s de Baeum bei n Weinstok: 'Naacherd machst ys halt +du!'
13. Dyr Weinstok gmaint grad: 'Und was ist mit meinn Most, an dönn wo si Götter und Menschn labnd? Und stattdönn soll i für enk önn Hamperer spiln?!'
14. Daa gsagnd de Baeum zo n Dernbusch: 'Ä, bi halt +du ünser Künig!'