5. Wie dyr Jeier starb, wurd yr z Kämon glögt.
6. Und wider taatnd d Isryheeler ayn Übl in n Herrn seine Augn. Sö gadienend yn de Bägln und Ästertn, yn de Götter von Ärmau, Sidn, Mob, Ämmannen und de Pflister. Sö fielnd von n Trechtein ab und hietnd für iem nix meer übrig.
7. Dösswögn gaboosert dyr Herr über Isryheel, und er glifert s yn dyr Gwalt von de Pflister und Ämmannen aus.
8. Sö schanddnd und gapeinignend d Isryheeler dyrselbn achtzöhen Jaar lang, iednfalls die enter n Jordn z Gilet in n altn Ämaurerland.
9. Dann kaamend d Ämmannen über n Jordn herüber aau non, um aau gögn Juden, Bengymein und Effreim aufzstöpfen. Isryheel hiet schwaer z leidn drunter.
10. Daa schrirnd d Isryheeler zo n Herrn:"Mir habnd gögn di gsündigt, denn mir habnd di verlaassn und yn de Bägln dient."