145. Llefais â'm holl galon; clyw fi, O Arglwydd: dy ddeddfau a gadwaf.
146. Llefais arnat; achub fi, a chadwaf dy dystiolaethau.
147. Achubais flaen y cyfddydd, a gwaeddais; wrth dy air y disgwyliais.
148. Fy llygaid a achubasant flaen gwyliadwriaethau y nos, i fyfyrio yn dy air di.
149. Clyw fy llef yn ôl dy drugaredd: Arglwydd, bywha fi yn ôl dy farnedigaethau.
150. Y rhai a ddilynant ysgelerder a nesasant arnaf: ymbellhasant oddi wrth dy gyfraith di.
151. Tithau, Arglwydd, wyt agos; a'th holl orchmynion sydd wirionedd.
152. Er ys talm y gwyddwn am dy dystiolaethau, seilio ohonot hwynt yn dragywydd.